Tidleg til støls i år!

I år kom dei første ”Dale-geitene” til støls 11. juni, og sidan 20. juni er det i alt  kring 370 geit som blir mjølka i fellesfjøsen. Såleis går seterdrifta sin vante gang.

På grunn av pandemien har vi heller ikkje i sommar alle dei vanlege aktivitetane på stølen, men Kaffistova er i sving med dagleg opningstid 12.00 – 16.00. Der er det mat og drikke å få kjøpt. Og både stølsområdet og fjell og dalar i Herdalen byr på fine turruter for både store og små.