Til seters!

Søndag 18. juni vandra Dale-geitene til støls, så no er nok ein setersesong i full gang. Sterk sol og varme gjorde at vi nytta kvelden til å gå dei om lag 9 kilometrane. Ein god kvile- og drikkepause i Øyane måtte til etter å ha forsert dei bratte Rindane, og før nye utfordringar opp til Damfossen og vidare fram til Herdalsvatnet. – Som vanleg litt tekniske utfordringar i fjøset, i år har installering av anlegg for kraftfortildeling kravd sitt. Veldig fine beite, geitene ute både dag og natt og avdråtten er god! Litt besøk på setra høyrer sjølvsagt og med, blant anna eit filmteam frå Sør-Korea – med særleg fokus på brunosten.

Les meir om Til seters!

Endeleg til støls!

Det vart sein seter-flytting i år. Sein vår og omfattande ombygging avfjøset får ta skulda. No får i allefall geitene nyte fjellbeitet, og ta utfordringa med ny mjølkstall – der det no blir mjølka om lag 370 geit. I kkje likaste sommarveret så langt, men både folk og dyr set lit til at seinsommaren og hausten blir fin!

Vi ser fram til setersommaren 2022

Sjølv om snøen lavar ned første veka i april, og seterlandet er dekt av djup snø, kan ein drøyme om nok ein sommar på setra. Kjeinga er stort sett unnagjort, ein ny generasjon kje er klare til å nyte seterlivet, og planlegginga av fleire tiltak på setra er i gang. Håpet er å få geitene til støls før midta av juni, til frodige beite og ny mjølkestall! Også andre fornyingar av fjøset står for tur, men store fonner over vegen kan hefte framdrifta i dette arbeidet.