Både dyr og folk lengtar til setra! Og den tidlege våren gjer at arbeidet med å få alt i stand til setersommaren 2024 er i full gang. Håpet er å kunne ta fatt på setervegen snart. Men først må sel og fjøs settast i stand og mykje gjerde vølast og fornyast etter vinteren. Det krev mykje innsats å ha eit «driftssenter» i fjellet i tillegg til det ein har heime, og vona er at fornyinga av fjøset, som starta for fullt i 2022, vil bli fullført dette året. Både folk og dyr ser fram til minst tre månader på setra!