Det vart sein seter-flytting i år. Sein vår og omfattande ombygging avfjøset får ta skulda. No får i allefall geitene nyte fjellbeitet, og ta utfordringa med ny mjølkstall – der det no blir mjølka om lag 370 geit. I kkje likaste sommarveret så langt, men både folk og dyr set lit til at seinsommaren og hausten blir fin!
Sjølv om snøen lavar ned første veka i april, og seterlandet er dekt av djup snø, kan ein drøyme om nok ein sommar på setra. Kjeinga er stort sett unnagjort, ein ny generasjon kje er klare til å nyte seterlivet, og planlegginga av fleire tiltak på setra er i gang. Håpet er å få geitene til støls før midta av juni, til frodige beite og ny mjølkestall! Også andre fornyingar av fjøset står for tur, men store fonner over vegen kan hefte framdrifta i dette arbeidet.
Norsk seterkultru arbeider for å få seterkulturen inn på UNESCO si liste og du kan lese meir om det på immateriellkulturarv.no
På grunn av pandemien har vi ikkje dei vanlege aktivitetane på Herdalssetra i år. Men seterdrifta går sin vante gang og vi vonar å halde Kaffistova opa dagleg 12.00 -16.00 fram til midt i august. Dei første geitene kom til støls 18. juni og og sidan har fleire dyr slutta seg til flokken som får nyte beita i Herdalen i år. Denne sommaren tel buskapen med mjølkegeit over 380! I tillegg skaper ein liten flokk kje ”liv og røre”, til glede for både små og store som vitjar setra.